داکتر عبدالله عبدالله، رییس شورای عالی مصالحه پیشین از دولت آلمان خواسته است که تسهیلات بیشتری به پناه‌جویان افغانستان فراهم کند.
آقای عبدالله امروز پنج‌شنبه، ۸ ثور، با نشر پیامی در توییتر گفته است که آلمان در کنار دیگر کشورهای اروپایی به شهروندان افغان که از جنگ فرار کرده‌اند، پناه داده است؛ اما او با درنظرداشت بحران جاری در اروپا، از کشورها انتظار بیشتری دارد.
عبدالله عبدالله مشخصاً از آلمان خواسته است که برای تأمین نیازهای اولیه پناه‌جویان افغانستان راه حل‌های مناسب پیدا کند.
پس از تحولات سیاسی در افغانستان، تعداد زیادی از شهروندان افغانستان به کشورهای مختلف از جمله آلمان پناه بردند.
خبرگزاری توانا ــ مختار صارم
