دولت چین سفارت افغانستان در بیجینگ، پایتخت این کشور را به نماینده‌گان امارت اسلامی واگذار کرده است.
انعام‌الله سمنگانی، از معاونان سخنگوی امارت اسلامی، در توییتر اعلام کرده است که روز گذشته (پنج‌شنبه، هشتم ثور) نشستی به‌مناسبت آغاز مجدد فعالیت سفارت افغانستان در بیجینگ برگزار شد که در آن بر علاوه از دانش‌جویان افغان، شماری از مقام‌های بلندرتبۀ دولتی و شرکت‌های چینی نیز شرکت کردند.
در این نشست سیدمحی‌الدین سادات، سرپرست سفارت افغانستان در بیجینگ گفته که سفارت افغانستان آماده است ضمن پیش‌برد و توسعۀ روابط دیپلماتیک با طرف چینی، به افغان‌های مقیم در چین و چینی‌هایی که خواهان تعامل با افغانستان‌اند، خدمات کنسولی فراهم کند.
خبرگزاری توانا – شریف رحیمی
