تاريخ تيره دواګاني او خوراکي توکي د بلخ عامي روغتیا ریاست لخوا وسوځول شول. د بلخ ولايت د عامې روغتیا ریاست لخوا 39.5 ټنه تاريخ تيره دواګانې، او خوراکي توکي و سوځول شول. توانا خبري اژانس د ثور 12، د بلخ ولايت عامي روغتیا رياست رييس ډاکټر نجیب الله توانا وايي چې، دغه دواګانې او خوراکي توکي له شپږو میاشتو راهیسې د مزار ښار له دوکانونو او ددې ولايت له څوارلس ګونو ولسوالیو نه ددې رياست ګومارل شوي ټيم په کوښښ سره راټول شوي. ښاغلي توانا زياته کړه چې، دغه سوځول شوي توکي ټول ټال 186 قلمه دي قيمت يې 3994500 افغانيو ته رسيږي، چې پکې 34 قلمه خوراکي او غير الکولي نوشابي هم شاملي دي د عامي روغتیا رييس داهم وويل چې: ددي رياست روغتيايي ټيمونه په بلخ ولايت کې کار کوي او هيچاته به اجازه ورنه کړي چې تاريخ تيره دواګاني او خوارکي توکي په عامو وکړو و پلوري. سهراب خان دولت زى
توانا خبري اژانس
