د زندانونو چارو تنظیم ادارې نظامي مرستيال قاري حبيب الله بدر د محبسونو له مسلکې کورس څخه د 124 کسانو فراغت غونډه کې وویل چې، د هيواد په زندانونو کې 17 زره و 600 کسان د بيلا بيلو جرمونو په تور بنديان دي.
توانا خبري اژانس د چنګاښ 5 مه، ښاغلي بدر زياته کړه چي لدې شمير نه تر 550 کسانو پورې ښځينه بنديانې دي،او سياسي بنديان د استخباراتو عمومي رياست کې ساتل کېږي.
د نوموړي په خبره د ستري محکمې لخوا يوه جوړ شوي کمیسیون غړو له دغو کسانو سره ليدلي او ډيرى زندانیان به د اختر په ورځ خوشې شي.
د يادونې وړ ده چې د ښاغلي بدر وينا پر بنسټ تير حکومت کې شاوخوا 29 زره بنديان د هيواد په زندانونو کې ساتل کېدل چي، د ااا له واکمنيدو سره ټول له زندانونو نه تښتيدلې دي.
سهراب خان دولت زى
توانا خبري اژانس
