د بلخ د احصايې او معلوماتو ریاست په تېرو څلور میاشتو کي د برېښنایي او کاغذي پیژندپاڼو له لاري ۳۳ ملیونه افغانۍ عواید راټول کړي
توانا خبري اژانس د زمري اوله، ددغه رياست د معلوماتو له مخې يوازې د برېښنايي پېژندپاڼو د وېش له لارى 29 ميلونه عواید ترلاسه کړي دي.
د بلخ ولایت د احصایې او معلوماتو ریاست رئیس مولوي محمد نور وثیق وایي، چي پدې ولايت کې د احصایې او معلوماتو ریاست ۳ مرکزونو فعالیت کوي او یاد ریاست سره په همغږۍ هره ورځ هر مرکز کې شاه وخوا 300 کي مراجعین بایموټریک کوي.
ښاغلي وثیق زیاته کړه، چي د روان کال په څلورو میاشتو کي ۶۴۴۳۸ څلور شپيته زره، و څلورسوه و اته ديرش برېښنایي پيژندپاڼو د وېش له لاري ۲۹ ملیونه افغانۍ او ۱۷۲۶۹ اولس زره و دوسوه و نهه شپيته کاغذي پیژندپاڼو د وېش له لاري ۳ ملیونه او ۴ لکه افغانۍ عواید راټول کړي دي.
همداراز د مزارشريف ښار اوسېدونکي د یاد ریاست کارکونکو له فعالیتونو څخه خوښي څرګنده وي او وایي، چي په یاد ریاست کي ټول کارونه په منظم ډول روان دي او د ولس کارونو ته پر وخت رسېدنه کیږي.
د يادونې وړ ده چې د ددي رياست د کارونو لا چټکتيا لپاره به په نږدي راتلونکي کې، پدې ولايت کې څلورم مرکز هم پرانیستل شي.
سهراب خان دولت زی
توانا خبري اژانس
