ایران معتادان خارجی را به افغانستان رد مرز کرده که بیشتر آنان در ولایت های هرات، فراه و نیمروز به سر میبرند.
خبرگزاری توانا: شماری از باشندگان ولایت نیمروز میگویند که ایران بر علاوه شهروندان افغانستان معتادان خارجی را نیز به افغانستان رد مرز می‌کند.
این باشندگان میگویند که بر علاوه معتادان افغان، معتادان رد مرز شده خارجی در شهرهای هرات، فراه و نیمروز به سر میبرند.
مسوولان محلی میگویند که تشخیص معتادان افغان با معتادان خارجی برای‌شان دشوار است، زیرا اکثریت افغان‌ها با معتاد شدن در ایران و پاکستان سال‌ها در آن‌جا بود و باش کرده و امکان تثبیت هویت‌شان کمتر است.
