در خبرنامه، وزارت صحت عامه‌ی افغانستان آمده است که نورجلال جلالی، سرپرست این وزارت جهت شرکت در نشست سازمان صحی جهان به سویس سفر کرده است.
بربنیاد خبرنامه‌ی وزارت صحت، سرپرست این وزارت با تدروس آدهانوم گبریسوس، رییس سازمان صحی جهان درباره کنترول بیماری‌های ساری، نابودی بیماری فلج کودکان و معیار سازی خدمات بهداشتی در افغانستان گفت‌وگو کرده‌است.
وزارت صحت هم‌چنان افزوده که مسوولان اداره‌های بین‌المللی تعهدشان را برای همکاری دوام‌دار با افغانستان اظهار کرده‌اند.
سویتا توانا
