محترم عبدالله عارف‌اف، صدراعظم اوزبیکستان در رأس یک هیئت عالی‌رتبه قبل از ظهر امروز، شنبه ۲۷اسد سال‌روان وارد کابل شد.
صدراعظم جمهوری اوزبیکستان از سوی محترم مولوی عبدالسلام حنفی، معاون اداری رئیس‌الوزرا امارت اسلامی افغانستان، محترم الحاج نورالدین عزیزی، سرپرست وزارت صنعت و تجارت و محترم مولوی احمدالله زاهد، معین وزارت صنعت و تجارت
در میدان هوایی بین‌المللی کابل استقبال گردید.
هدف از سفر محترم عبدالله عارف‌اف، صدراعظم جمهوری اوزبیکستان به کابل اشتراک در نشست دوجانبه و تواصل تجاری میان افغانستان و اوزبیکستان و افتتاح نمایشگاه محصولات و تولیدات کشور اوزبیکستان می‌باشد.
ذاکره تیموری
