د بښنې نړېوالې ټولنې پر ټویټر باندې په یوه بیان کې یو ځل بیا غږ کړی چې د زدکړې فعال مطیع الله ویسا دې سملاسي خوشې کړل شي.
توانا خبري اژانس د وري 23دې لنډ بیان کې له نورو رسنیو او د بيان آزادى کاروونکو هم غوښتنه شوې چې د هغه د خوشي کولو لپاره غږ پورته کړي.
د قلم لار ټولنې مشر او د زدکړې په برخه کې فعال مطیع الله ویسا شاوخوا دوه اونۍ وړاندې د اسلامي امارت د استخباراتو ادارې لخوا په کابل کې ونیول شو. امنيتي چارواکو د هغه د نیولو په هکله تر اوسه ډېر تفصیل نه دی ورکړی، خو د اسلامي امارت ویاند وویلي و چې هغه د خپلسري کړنو او د حکومت پرضد د خلکو د پارولو په تور نیول شوی دی.
د مطیع الله ویسا کورنۍ وايي، د هغه په اړه معلومات نه لري او د استخباراتو په بند کې ده، او له دوه اونیو د زیاتې مودې په تېریدو لا هم نه دي خبر چې هغه په څه ډول وضعیت کې ساتل کېږي.
سهراب خان دولت زى
توانا خبري اژانس
